त्रिशूली बस दुर्घटना मृत्यु भएका ३१ मध्य २० जनाको सनाखत नामावली सहित

त्रिशूली बस दुर्घटनाः मृतकको संख्या ३१ पुग्यो मृतकमध्ये २० जनाको सनाखत नामावली यसप्रकार छन् //
धादिङको गजुरी गाउँपालिका ५ बांगेमोडबाट त्रिशुली नदीमा बस खस्दा मृत्यु हुनेको संख्या ३१ पुगेको छ ।
जिल्ला प्रशासन कार्यालय धादिङका प्रशासकीय अधिकृत राममणि मिश्रका अनुसार मृत्यु हुनेमा ११ पुरुष, १० महिला र ९ बालबालिका छन् । मतृक मध्ये २० जनाको सनाखत भएको छ ।

सप्तरीको राजविराजबाट काठमाडौं आउँदै गरेको ना ६ ख १४६७ नम्बरको बस शनिबार बिहान करिब ६ बजेतिर त्रिशुली नदीमा खसेको थियो । नदीमा डुबेको बसलाई क्रेनको सहायताले बाहिर निकाल्ने प्रयास भइरहेको छ ।
घाइतेहरुका अनुसार बसमा ६४ यात्रु थिए । १६ जना घाइतेको उद्दार गरिएको छ । बसले थिचेको हुनसक्ने आशंकामा खोजी भइरहेको प्रहरीले जनाएको छ ।

घटनास्थलमा नेपाली सेना, सशस्त्र प्रहरी र नेपाल प्रहरीको टोली उद्धारका लागि परिचालन गरिएको छ ।
यो समाचार तयार पार्दासम्म १२ जनाको सनाखत भएको प्रहरीले जनाएको छ । सनाखत भएकाहरू मध्ये १० जना सप्तरी जिल्लाका रहेका छन् भने एक जना सिरहा र एक जना भारतीय नागरिक रहेका छन् ।

मृतकमध्ये २० जनाको सनाखत
1) रञ्जितकुमार झा, तिलाठी कोइलाडी गाउँपालिका, सप्तरी
2) सिसिपीकुमारी झा, तिलाठी कोइलाडी गाउँपालिका, सप्तरी
3) अञ्जितकुमार झा, तिलाठी कोइलाडी गाउँपालिका, सप्तरी
4) आदित्य यादव, ६ वर्ष, बोदेबर्साइन गाउँपालिका, सप्तरी
5) चन्द्ररेखा प्रणामी, बोदेबर्साइन गाउँपालिका, सप्तरी
6) रामान्द यादव, नेरेया, सप्तरी
7) सुधिरा यादव, कृष्णबसरन गाउँपालिका, सप्तरी
8) सदीक्षा यादव, ५ वर्ष
9) सुरेन्द्र चौधरी, बसेज, सप्तरी
10) अस्कीकुमारी यादव, बोदेबर्सान गाउँपालिका, सप्तरी
11) प्रमोद इसार, महादेवा गाउँपालिका, सप्तरी
12) आदित्य झा, राजविराज नगरपालिका, सप्तरी
13) ऋषि आनन्ददेव, राजविराज, सप्तरी
14) नरेश मुखिया, गाडी सहचालक, देउरीमरुवा, सप्तरी
15) चन्द्रावती झा, राजविराज नगरपालिका, सप्तरी
16) उदय मण्डल, सिरहा
17) पार्वती यादव
18) सुशन चौधरी
19) राजकुमार यादव, गोलबजार, सिरहा
20) ममतादेवी ठाकुर, मधुवनी भारत